Takimi me Komisionin Parlamentar për Arsim, Shkencë, Teknologji, Inovacion, Rini dhe Sport

 

Autoriteti Kombëtar i Kualifikimeve (AKK) sot priti në takim Komisionin Parlamentar për Arsim, Shkencë, Teknologji, Inovacion, Rini dhe Sport në të cilin u diskutua për zhvillimet, progresin dhe sfidat e AKK.

Në këtë takim morën pjesë nga komisioni parlamentar si nënkryetare e parë znj. Albena Reshitaj, znj. Vlora Dumoshi anëtare, znj. Arijeta Rexhepi anëtare, znj. Arjeta Fejza anëtare dhe z. Jahja Kokaj anëtar. Ndërsa nga Këshilli Drejtues i AKK (KD-AKK), morën pjesë kryetari i KD- AKK z. Agron Bajraktari, znj. Ryve Prekorogja anëtare, Vjollca Gërvalla anëtare, znj. Fatlinda Gashi anëtare si dhe ud. Drejtori i AKK z. Avni Gashi dhe z. Milot Hasangjekaj ekspert për kualifikimeve.

Takimi kishte në fokus shpalosjen e punës të KD-AKK si dhe aktivitetet dhe të arriturat e AKK në raport me implementimin e Kornizës Kombëtare të Kualifikimeve (KKK), sigurimin e cilësisë, standardet e profesionit, Njohjen e Mësimit Paraprak (NjMP), monitorimin, etj.  Ky takim kishte karakter mbështetës me qëllim të informimit dhe përkrahjes së mëtutjeshme për punën e AKK.